بروتين إل صالون ميلانو IL SALONE MILANO هو بروتين فرد وتنعيم الشعر ونتائجه تدوم لمدة 3 شهور ، بيتباع في صيدليات النهدي ، في نوعين منه نوع للشعر الخشن والتالف وده معزز بزيت الارجان ، والنوع التاني لجميع انواع الشعر ومعزز بزيت بذرة الكتان ، اولا هو مش فرد الشعر خالص يعني مش بيفرد ، بس بيحسن شكل الشعر والملمس في النهاية بيكون رائع وطري ومنتعش ، الخطوات الموجودة في النشرة جوا العلبة مش واضحة كفاية ، جربت اكتر من طريقة لنفس النوع وكل مرة النتيجة مختلفة ، في فيديو على اليوتيوب عن طريقة مختلفة عن الطريقة اللي مكتوبه في العلبه جربتها وطلعت معايا الاسوء ، كمان في التعليقات على الفيديو شايفة صاحبته بتقول ان مكواة او مملس الشعر لازم يكون درجة حرارته 450 ، مفيش للاسف مملس شعر بدرجة الحرارة دي اقصى حاجة في المملس تكون درجة حرارته 230 درجة سيليزيه يمكن هي تقصد فرنهيت ، المهم في نوعين من المملس السيراميك والبلاتين ، السيراميك بتكون الشرايح بتاعة المملس لونها زي الالومينيوم والبلاتين بتكون غامقة زي النحاس او احيانا اسود ، الافضل هو المملس البلاتين في البروتين ، بس السيراميك برده كويسه .
الادوات :
البروتين – طبق بلاستيك – فرشاه توزيع – مشابك شعر – مشط واسع – مملس الشعر – مشط رفيع جدا – فوطة
الطريقة
هي نفس الطريقة المكتوبة زيادة عليها شوية ملحوظات ، اول حاجة هي مكتوب في النشرة نبعد عن الاطراف مسافة 0.5 سم ، بس عادي مش بيحرق فروة الراس ولا بيعمل اي تاثير لو جه عليها ، مكتوب اترك المنتج لمدة 40 دقيقة ، عادى جدا لو تركناه اكتر من 40 دقيقه ، ممكن توصل لساعتين او ثلاثة ، نفس الكلام لماسك اعادة التحكم برده مش لازم نستنى 5 دقايق ممكن ربع ساعة او نص ساعه عادي ، اهم حاجة بقى هي بعد الماسك بنغسل الشعر ، هنا بقى طريقة الغسل بتفرق معايا كل مرة ، يعني لو غسلت كويس بيكون كاني معملتش حاجة ، لو غسلت بسيط طبعا وانا بعمل بالمملس بيكون الريحة فظيعة وصعبه والنتيجة متوسطة ، لو غسلت متوسط يعني لمدة 1-2 دقايق غسل ، بتكون النتيجة هايلة ، وبكمل باقي الخطوات عادي زي مافي النشرة
ملحوظات مهمه جدا
لنتايج افضل لازم منكونش بنستخدم زيت او كريم للشعر لمدة من شهر لشهرين قبل عمل البروتين لانه بيمنع وصول البروتين للشعرة
الشعر المجعد مش بيتفرد والنتيجة مش هايلة هتفرق فقط في الملمس
يعني أول الشامبو بعدين ماسك الفرد بعدين نغسل الشعر و نحط ماسك الترطيب بعدين نغسل الشعر و آخر شي نكويه بمكواة الشعر ؟
مرحبا انا جربت طريقتك بالجد حلوة النتيجه مغسلتش شعري كتير بس يدوبك يتبلل شوية تقريبا ٣٠ ثانية وكمان عملت لبنتي شعرها ناعم بس كيرلي طلع جنان .. وملاحظة انا شعري خفيف بس بعد اول غسيل شعر لي بعد البروتين بعد يومين تقريبا شعري بقي كثيف بطريقه لم اعهدها من قبل ..
مره تانية بشكرك علي مجهودك الجبار وموفقع يارب