الادوات
خرامة جلد – كبسونتين مقاس 10 مم – السمبك 255 – جلد طبيعي سمك 1.4مم – الباترون مطبوع – سكينة او قطر- مسطرة اشكال دواير – مثقاب – شوكة تخريم قطر 5مم – شاكوش نايلون – لوحة تخريم نايلون – خيط شمعي سمك 1مم – ابرتين – ولاعة
طريقة العمل
نثبت الباترون على الجلد بشريط لاصق او اي طريقة اخري لضمان عدم حركته ، نحدد الباترون على الجلد بالمثقاب ثم نقطعه بالقطر او السكينة ،على بعد 0.5 سم من الطرف نحز خط باستخدام المثقاب ونبدا اول خرم على بعد 0.5 سم من الطرف نخرم باستخدام الشوكة والشاكوش ولوحة التخريم النايلون ، المسافة بين كل خرم تكون 0.5 سم ، بعد انتهاء التخريم نضع الجزئين على بعض ونبدا نخيط الجلد من تحت لفوق لتفاصيل اكتر عن خياطة الجلد الطبيعي من هنا ونربط الخيط ونحرقة بالولاعة ونضغط عشان ميتفكش تاني ، ونكررها للجنب التاني بنفس الخطوات.
نخرم الجلد بالخرامة الكبيرة مقاس 3مم مكان الكبسونة من الناحيتين ، نحط الكبسونه زي ما هو واضح في الصورة ونقفل عليهم بالسنبك ، ممكن نستخدمها في وضع اي شيء فيها زي كروت او فلوس او ادوات ميكب صغيرة.
