خياطة الجلد الطبيعي اليدوية مختلفة عن خياطة اي شيء اخر لان الجلد سميك وبالتالي لازم تكون الخياطة قوية
الادوات
الجلد متخرم – خيط شمعي – ابرتين – ولاعة
طريقة لضم الابرة
ناخد من بكرة الخيط طول المكان اللي عايزين نخيطة اربع مرات ، هنلضم الابرتين من الطرفين كل طرف فيه ابرة ، ندخل الخيط عادي في الابرة ونشد الطرف ، نغرز الابرة في طرف الخيط مع ترك تقريبا مسافة 2 سم فوق الغرز
طريقة الخياطة
نبدأ الخياطة من فوق لتحت ، ندخل الابرة في الخرم الاول ونشدها لحد طول نصف الخيط ، يعني الخيط هيبقى مقسوم على اتنين كل ابرة في طرف ، في الخرم التاني علطول هندخل كل ابرة من الابر عكس بعض في نفس الخرم ، ونشد الابرتين والخيط كويس لاحكام الغلق ، نكرر نفس الخطوات في الخرم اللي بعده لحد ما نخلص خياطة ، اخر خرم هنخلي الابرتين يكونوا من الداخل ونعقد كويس ، وعلى طرف الخيط بالولاعة ونحرقة ، هتتقطع الزيادة بالابرة ، نضغط كويس عشان الشمع اللي على الخيط يسيح مع بعضه ويلصق جامد
ممكن اعرف عمل الشنطة ؟