1. الكوسة مع الجزر
اربع كوسات ونص جزرة كبيرة نقطعهم حلقات ونسويهم بخار او سلق لمدة ربع ساعه مش اكتر عشان فايدتهم متروحش وبعدين نصفيهم مع الاحتفاظ بالماية بتاعتهم هناخد منها ملعقتين ونحطها عليهم ونخلطهم مع بعض ممكن نضيف ملعقة ماية كمان لو لقيناها تقيلة وسميكة زيادة.
لو الطفل مش قابل الاكل اوي ممكن نضيف ذرة ملح او سكر على حسب الطفل بيتقبل ايه اكتر.
ممكن نحتفظ بيها في التلاجة لمدة 4 ايام وممكن في الفريزر لمدة 3 شهور ، وده حلو جدا عشان لما ننزل الشغل يكون عندنا احتياط كبير.
في ناس كتير بتخاف تأكل الرضيع عمر 4 شهور وانا كنت منهم ، لكن سالت اتنين استشاريين وهما اللي قالو ممكن الخضار المسلوق وعصير البرتقال والرز المسلوق، عشان كدة اتجرأت ، طبعا لازم نستشير الدكتور عشان كل طفل بيختلف عن التاني ، لازم الدكتور يتاكد ان راسه ثابته وحاجات تانية وبعدين يقرر ينفع ياكل او لا، في عمر 4 شهور مش بياخد اكتر من معلقة او اتنين بالكتير اوي طول اليوم ، ونشربه ماية عشان بدانا ندخل الاكل.